Frans páfi hitti í dag ættingja nokkurra Ísraelsmanna sem teknir voru í gíslingu af Hamas í árásunum 7. október, að sögn Vatíkansins.

Páfinn hafði áður hitt hóp ættingja gísla í Vatíkaninu í nóvember, sama dag og hann hitti Palestínumenn sem eiga fjölskyldur á Gasa.

Skulum alltaf biðja fyrir friði

Í ræðu á sunnudag eftir að hafa flutt vikulega Angelus-bæn sína í Vatíkaninu endurtók páfinn kröfu sína um frið.

„Við skulum alltaf biðja fyrir friði, réttlátum, varanlegum friði sérstaklega fyrir píslarvotta Úkraínu og fyrir Palestínu og Ísrael,“ sagði hann.

Vígamenn Hamas og íslamska Jihad tóku meira en 250 ísraelska og erlenda gísla, 129 þeirra eru enn á Gasa, þar af 34 sem Ísraelsher segir að séu látnir.

Frá því stríðið braust út fyrir hálfu ári hafa hefndarsprengjuárásir Ísraela og árásir á jörðu niðri kostað að minnsta kosti 33.175 manns lífið á Gasa, sem eru flestir konur og börn, að sögn heilbrigðisráðuneytis Hamas. 

Tengdar fréttir

Ísrael/Palestína

Hugmyndin frábær eða hvetur hún til stríðsglæpa?

• Trump stingur upp á að flytja Palestínubúa frá Gasa
• Krotaði „Gaza“ á Alþingishúsið
• Langflestir hinna látnu voru almennir borgarar
• Kalla eftir neyðaraðstoð fyrir íbúa

» Fleiri tengdar fréttir

• Blogga um frétt