Joe Biden Bandaríkjaforseti sagði í kvöld að hann ætti von á því að klerkastjórnin í Íran myndi reyna að ráðast á Ísrael innan skamms og hefna þar með fyrir árás Ísraelsmanna á Sýrland síðustu viku.

Biden sagði við blaðamenn að hann vildi ekki ljóstra upp um þær upplýsingar sem Bandaríkjamenn hefðu undir hönum, en að hann ætti von á árás Írana fyrr en síðar. 

Aðspurður um hvort Biden hefði skilaboð handa klerkastjórninni sagði hann einfaldlega: „Ekki gera þetta.“ (e. Don't).

„Við höfum heitið því að verja Ísrael, við munum styðja Ísrael, við munum hjálpa til við að verja Ísrael, og Íran mun ekki takast ætlunarverk sitt,“ sagði Biden. 

Frétt af mbl.is

Raunveruleg ógn stafar af Íran

Klerkastjórnin í Íran hefur heitið hefndum eftir að Ísraelsmenn réðust á viðbyggingu við ræðismannsbústað Írana í Damaskus í Sýrlandi, en sjö meðlimir íranska byltingarvarðarins, þar af tveir hershöfðingjar, féllu í árásinni. 

Hisbollah reyndi árás

Hryðjuverkasamtökin Hisbollah, sem hafa aðsetur í Líbanon, reyndu fyrr í kvöld árás á Ísrael, og skutu þau um 40 Katyusha-eldflaugum á skotmörk í norðurhluta landsins. Ísraelsher sagði í tilkynningu eftir árásina að hluti eldflauganna hefði verið skotinn niður, og að ekkert mannfall hefði orðið af völdum árásarinnar. 

Tengdar fréttir

Ísrael/Palestína

Þungt hugsi yfir ofbeldinu

• Konur og börn „næstum 70%“ látinna á Gasa
• Tvær árásir á ísraelska herstöð á sólarhring
• Fordæma árásir á ísraelska áhangendur
• Gera þarf grein fyrir reiðufé

» Fleiri tengdar fréttir

Íran gerir árás á Ísrael

Ræddu um að sameina krafta sína

• Reiðubúnir að „verja fullveldi sitt“
• Íranir vara Ísraela við árásum á innviði
• Æðstiklerkur: „Palestínumenn höfðu rétt fyrir sér“
• Olíuverð hækkaði eftir ummæli Bidens

» Fleiri tengdar fréttir

• 1 blogg um fréttina

Bloggað um fréttina

• Guðmundur Örn Ragnarsson: Ísraels Guð mun verja ÍSRAEL gegn Íran