Skiptar skoðanir á aðstoð Bandaríkjamanna
Setja bókamerki
Tengdar fréttir
Úkraína
Fjögur frumvörp með samanlögðum útgjöldum upp á 95 milljarða bandaríkjadala (13.461 milljarð íslenskra króna) voru samþykkt í fulltrúadeild Bandaríkjaþings í dag. Frumvörpin fela meðal annars í sér hernaðarstuðning við Úkraínu, Ísrael og Taívan. Þjóðarleiðtogar þessara þjóða og nágrannaþjóða þeirra höfðu skiptar skoðanir á fréttunum.
Frumvörpin voru saman í pakka sem felur einnig í sér ákvæði um upptöku rússneskra eigna og nýjar refsiaðgerðir gegn Íran, Rússlandi og Kína.
Þá á samfélagsmiðilinn TikTtok í hættu á að þurfa að losa sig við kínverska eigendur sína ellegar eiga yfir höfði sér bann í Bandaríkjunum, samkvæmt frumvarpi.
Joe Biden Bandaríkjaforseti sagði að löggjöfin myndi veita Ísrael og Úkraínu nauðsynlegan stuðning, en einnig að veita mannúðaraðstoð á Gasasvæðinu, í Súdan, Haítí og á fleiri stöðum.
Rússar segja Bandaríkjamenn styðja hryðjuverk
Volodimír Selenskí Úkraínuforseti hefur lengi kallað eftir aukinni aðstoð frá Bandaríkjamönnum og fagnaði fréttunum um að 61 milljarður bandaríkjadala væri eyrnamerktur aðstoð í Úkraínu.
Hann sagði að hernaðar- og efnahagsleg aðstoð Bandaríkjanna myndi bjarga þúsundum mannslífa.
Rússar héldu þveröfugu fram. „Þetta mun auðga Bandaríkin enn frekar og eyðileggja Úkraínu enn meira, með því að drepa enn fleiri Úkraínumenn vegna yfirvalda í Kænugarði,“ sagði Dmítrí Peskov, talsmaður skrifstofu forseta í Rússlandi.
María Sakharóva, talsmaður utanríkisráðuneytis Rússlands, sagði að Bandaríkin væru með beinum hætti að aðstoða hryðjuverkamenn í Úkraínu með fjárveitingunni.
Peningurinn þýði þúsundir dauðsfalla
Alls 13 milljarðar bandaríkjadala verður varið í hernaðaraðstoð fyrir Ísraelsríki gegn Hamas-samtökunum. Israel Katz, utanríkisráðherra Ísraels, segir að aðstoðin „sendir skýr skilaboð til óvinna okkar“.
Benjamín Netanjahú, forsætisráðherra Ísraels, segir frumvarp Bandaríkjamanna sýna mikinn stuðning við Ísraelsríki og að það„verji vestræna menningu“.
Peningunum er að mestu leyti ætlað að nota til að styrkja loftvarnakerfi Ísraels.
Talsmaður Mahmud Abbas, forseta Palestínu, sagði að hernaðaraðstoð Bandaríkjanna til Ísraels væri ógn gegn palestínsku þjóðinni. Aðstoðin myndi þýða þúsundir dauðsfalla á Gasasvæðinu.
Hernaðaraðstoð í Taívan
Um 8 milljarðar bandaríkjadala eru eyrnamerktir fjárfestingum í kafbátum og til þess að efla samkeppnishæfni Bandaríkjanna við framleiðslu í Kína.
Einhverjum milljörðum er ætlað að fara í hernaðaraðstoð í Taívan.
Tengdar fréttir
Úkraína
Vika í kosningar: Þetta segja kannanir
/frimg/1/53/8/1530849.jpg)
Fatlaður drengur fær ekki þjónustu í verkfalli
Hraun kemur úr þremur gígum: Virknin stöðug
Sjötti ferðamaðurinn er látinn
Dómur þyngdur um þrjú ár
Rússar sagðir útvega N-Kóreu milljón olíutunnur
Vegirnir voru eins og borðstofuborð