Erlent | mbl | 27.4.2024 | 20:57 | Uppfært 28.4.2024 0:58

Bandarískir ráðamenn efa að Ísrael fylgi lögum

Palestínsk börn standa á rústum húss sem Ísraelsher sprengdi í 27. apríl. AFP

Háttsettir ráðamenn í Bandaríkjunum hafa ráðlagt Antony Blinken utanríkisráðherra að það sé ekki trúlegt eða áreiðanlegt að Ísraelsmenn beiti vopnum frá Bandaríkjunum í samræmi við alþjóðalög.

Þetta kemur fram í skjölum frá utanríkisráðuneyti Bandaríkjanna sem Reuters hefur undir höndunum.

Samkvæmt þjóðaröryggisyfirlýsingu sem Joe Biden Bandaríkjaforseti gaf út í febrúar, þarf Blinken að skýra þinginu frá því fyrir 8. maí hvort hann telji trúverðugar fullyrðingar Ísraelsmanna um að notkun þeirra á bandarískum vopnum brjóti ekki í bága við bandarísk eða alþjóðleg lög.

Þann 24. mars höfðu að minnsta kosti sjö skrifstofur utanríkisráðuneytisins sent Blinken framlög sín til frumsamþykktar. Hluti af minnisblaðinu var leynilegt.

Joe Biden bandaríkjaforseti og Antony Blinken utanríkisráðherra Bandaríkjanna. AFP/Andrew Caballero-Reynolds

Klofningur í utanríkisráðuneytinu

Í skjölunum má sjá skýra mynd af klofningnum innan utanríkisráðuneytisins er efnd Ísraelsmanna á alþjóðalögum mannúðarlög á Gasa.

„Sumir þættir í deildinni voru hlynntir því að taka við loforðum Ísraela, sumir voru hlynntir því að hafna þeim og sumir tóku enga afstöðu,“ sagði bandarískur embættismaður.

Í sameiginlegri greinargerð fjögurra skrifstofa er vakin athygli á „alvarlegum áhyggjum“ af því að alþjóðlegum mannúðarlögum hafi ekki verið fylgt í aðgerðum Ísraels vegna stríðsins á Gasa.

Í mati skrifstofanna fjögurra sagði að loforð Ísraela væru hvorki trúverðug né áreiðanleg. Í skýrslunni voru nefnd átta dæmi um aðgerðir Ísraelsmanna sem embættismennirnir sögðu að vektu upp „alvarlegar spurningar um vanefndir“ Ísraels á alþjóðlegum mannúðarlögum.

Heyrir mörg ólík sjónarmið

Í annarri greinargerð sem Reuters hefur undir höndum frá skrifstofu stjórn- og hermála, er Blinken varaður við því að ef Bandaríkjamenn hættu að senda vopn til Ísraels myndi það takmarka getu Ísraels til að mæta hugsanlegum ógnum utan lofthelgi sinnar.

Ef vopnasölu Bandaríkjanna yrði hætt myndi það hvetja til „eggjana“ af hálfu Írans, segir í greinargerðinni.

Lögfræðiskrifstofa utanríkisráðuneytisins tók ekki efnislega afstöðu til trúverðugleika loforða Ísraela, að sögn heimildarmanns.

Matthew Miller, talsmaður utanríkisráðuneytisins, sagði að stofnunin geri ekki athugasemdir við skjöl sem lekið var. „Í flóknum málum heyrir ráðherrann oft ólík sjónarmið innan ráðuneytisins og tekur tillit til þeirra sjónarmiða,“ sagði Miller.