Hamas samþykkja vopnahléstillögu
Setja bókamerki
Sendinefnd Hamas hefur fallist á nýja vopnahléstillögu erindreka Katar og Egyptalands. Samtökin segja boltann nú hjá Ísrael.
Segir í tilkynningu að Ismail Haniyeh, leiðtogi Hamas, hafi átt símtal við forsætisráðherra Katar, Sheikh Mohammed bin Abdulrahman Al Thani og upplýsingaráðherra Egyptalands, Abbas Kamel, og hafi þar samþykkt sameiginlega tillögu þeirra að vopnahléi.
„Nú þegar Hamas hefur samþykkt tillögu sáttasemjara að vopnahléi liggur boltinn hjá hernámsvaldi Ísraels, hvort sem þeir hyggist samþykkja hana eða leggjast gegn henni,“ sagði háttsettur starfsmaður Hamas í samtali við fréttastofu AFP.
Benjamín Netanjahú, forsætisráðherra Ísraels, hafnaði annarri vopnahléstillögu Hamas í gær og sagðist ekki muna samþykja tillögur þeirra þar sem það myndi þýða mikinn ósigur fyrir Ísrael.
Undirbúa hernaðaraðgerðir
Ísraelsher undirbýr nú hernaðaraðgerðir í borginni Rafah, við landamæri Gasa og Egyptalands. Ísraelsher hefur hvatt almenning til að yfirgefa borgina.
Sagðist herinn ætla að flytja á brott um 100 þúsund manns í morgun vegna fyrirhugaðrar árásar. Hefur herinn þegar drepið að minnsta kosti 19 manns í Rafah í nótt í eldflaugaárás.
Yfirvofandi árás hefur vakið ótta hjá hjálparsamtökum og leiðtogum alþjóðasamfélagsins vegna mannúðarsjónarmiða. Um 1,2 milljónir manns hafa leitað skjóls í borginni eftir að árásir Ísraelsmanna hófust í október.
Drónamyndskeið frá hápunkti gossins í nótt
Nýtt fangelsi í landi Stóra-Hrauns tilbúið 2028
Hópur fólks reyndi að komast að eldgosinu
Dómur þyngdur um þrjú ár
Rússar sagðir útvega N-Kóreu milljón olíutunnur
Líklega komin á seinni hluta hrinunnar í Svartsengi
Fullvissa ferðamenn um að hér sé öruggt