Bleikur himinn yfir Evrópu

Stórt kórónugos hófst í dag í sólinni með tilheyrandi sólstormi, og er óttast að sólstorminum geti fylgt margvíslegar truflanir á gervihnöttum, GPS-kerfum og raforkuneti næstu daga. 

Bandaríska veðurstofan sendi frá sér í gær, fimmtudag, viðvörun um alvarlegan sólstorm, G4, en það er næstmesta viðvörunarstig sólstorma vestanhafs. Gert er ráð fyrir að fjögur stór kórónugos muni eiga sér stað næstu daga til viðbótar við það sem hófst í dag.

Sólvirkni er nú nánast í hámarki, en hún gengur í bylgjum sem ná til um ellefu ára í senn. Fylgifiskur hennar eru norðurljósin, en þau sjást nú einstaklega vel víða um Evrópu, og mun sunnar en venjulega. Hér má sjá vefmyndavélar vítt og breitt um Evrópu.

Þannig hafa norðurljósin t.d. sést í Vínarborg og í Sviss, og eru þau skærbleik á litinn.

Breski eðlisfræðingurinn Brian Cox hefur svo birt myndir af næturhimninum á twittersíðu sinni. 

 Fylgifiskur norðurljósanna eru suðurljósin, Aurora Australis, og sjást þau einnig vel.

Norðurljósin hafa m.a. sést í norðurhluta Ítalíu. Skjáskot/www.foto-webcam.eu

• Blogga um frétt