Talsmenn sjúkrahúss á Gasa greina frá því að að minnsta kosti 20 manns hafi látist í loftárás Ísraelshers á hús í Al-Nuseirat-flóttamannabúðunum í nótt.
Vitni segja að árásin hafi átt sér stað klukkan þrjú í nótt á staðartíma. Ísraelski herinn sagðist vera skoða atvikið.
Palestínski fjölmiðillinn Wafa greindi frá því að fjöldi hafi særst í árásinni, þar á meðal börn. Enn er leitað að særðum undir rústum hússins.
Uppfært 9:40:
Yfirvöld á Gasa greina frá því að að minnsta kosti 31 hafi látist og 20 særst í árásinni.