Nýkjörinn forseti Taívan, Lai Ching-te, hét því í dag að verja lýðræði eyjunnar sem stafar ógn af nágranna sínum til vesturs, Kína. Yfirvöld í Kína hafa fordæmt Lai sem „stórhættulegan aðskilnaðarsinna“ og sögðu „sjálfstæði eyjunnar leiða til einskis“.

Lai ávarpaði fjöldann við innsetningu sína í embætti forseta og sagði jákvæðar horfur í lýðræðissögu Taívan framundan og hét því að vernda lýðræði eyjunnar. 

Frétt af mbl.is

Kína varar bandaríska sjóherinn við

Hvetur til friðar

„Frammi fyrir fjölda ógna frá Kína, þurfum við að sýna fram á að við getum varið þjóð okkar. Við þurfum að efla vitund almennings um þjóðaröryggi og styrkja lagalegar forsendur okkar til sjálfsvarna,“ sagði Lai. 

Lai hvatti einnig yfirvöld í Kína til þess að vinna með Taívan að því að viðhalda friði og stöðugleika í heiminum. Þannig hvatti hann yfirvöld í Kína til þess að taka samtalið frekar en að eggja til átaka og hvatti þau til að endurreisa ferðamannaiðnaðinn á milli landanna tveggja og að leyfa kínverskum nemendum að stunda nám í Taívan. 

Klukkustundum eftir ræðu Lai sögðu yfirvöld í Kína „sjálfstæði eyjunnar leiða til einskis“.

Nýkjörinn forseti Taívan segir jákvæðar horfur í lýðræðissögu landsins. AFP/Sam Yeh

Tengdar fréttir

Taívan og Kína

Taívan í viðbragðsstöðu vegna Kína

• Kínverjar saka Þjóðverja um að ýta undir óstöðugleika
• Innleiða dauðarefsingu fyrir að styðja Taívan
• Frekari ögrun leiðir til hertra aðgerða
• Forseti Taívans: Frelsi og lýðræði í fyrirrúmi

» Fleiri tengdar fréttir

• Blogga um frétt