Segir Ísraela ekki fremja þjóðarmorð
Setja bókamerki
Joe Biden Bandaríkjaforseti kom bandamönnum sínum í Ísrael til varnar í ræðu í Hvíta húsinu í gær og neitaði því að sókn Ísraela á Gasasvæðið væri þjóðarmorð.
„Það sem er að gerast er ekki þjóðarmorð, við höfnum því,“ sagði Biden og vísaði til ásakana Suður-Afríku um hið gagnstæða innan Alþjóðdómstóls Sameinuðu þjóðanna í Haag.
Forsetinn bandaríski ítrekaði einnig að hann fordæmir handtökuskipun Alþjóðlega sakamáladómstólsins (ICC) gegn leiðtogum Ísraels.
Biden hélt ræðu sína í Hvíta húsinu í Washington-borg í Bandaríkjunum í tilefni mánaðar tileinkuðum ættjarðartengslum bandarískra gyðinga.
Hann sagði stuðning Bandaríkjanna við Ísrael vera skotheldan. Samt sem áður hefur samband Bandaríkjanna verið óvenju stirt síðustu vikur.
Biden lýsti því yfir 8. maí að hann hefði í hyggju að stöðva sendingar bandarískra vopnabirgða til Ísraels. Almennir borgarar hefðu fallið vegna notkunar vopnanna, og ómögulegt væri að segja til um hvort Benjamín Netanjahú, forsætisráðherra Ísraels, fyrirskipaði stórsókn að borginni Rafah.
Tvær handtökuskipanir
ICC fór í gær fram á handtökuskipanir á hendur Netanjahú og Yahya Sinwar, leiðtoga Hamas-samtakanna á Gasa.
Krafan var lögð fram á grundvelli stríðsglæpa og glæpa gegn mannkyninu vegna hryðjuverkanna 7. október og stríðsins sem hefur geisað á Gasa eftir þau.
Taka þarf ákvarðanir um framtíð Grindavíkurbæjar
Alvarlega veikar og greindust að lokum með alnæmi
Engin læknisþjónusta á heilsugæslunni í verkfalli
Kvikusöfnun 80% af því sem var fyrir síðasta gos
Kílómetragjald: „Mikilvægt að málið verði klárað fyrir þinglok“
„Þetta var hræðileg stund“
Ný könnun: Sjálfstæðisflokkur dalar enn