Donald Trump, fyrrverandi forseti Bandaríkjanna og núverandi forsetaframbjóðandi, hefur dregið til baka ummæli sín um að hann væri opinn fyrir takmörkun að aðgengi getnaðarvarna.

„Ég hef aldrei, og mun aldrei tala fyrir takmörkun að aðgengi getnaðarvarna,“ sagði Trump á samfélagsmiðli sínum „Truth Social“ í dag.

„Ég styð ekki bann við getnaðarvörnum, og Repúblíkanaflokkurinn mun ekki gera það heldur!“

Trump hefur oft flaggað skoðunum sínum á málefnum kvenna, þá einkum skoðunum sínum til þungunarrofs.

Í mars gaf hann í skyn að hann væri hlynntur banni við þungunarrofi í landinu eftir 15. eða 16. viku meðgöngu. Stuttu síðar dró hann þau ummæli til baka og sagði að slíkar ákvarðanir ættu að vera í höndum ríkjanna.

21 ríki í Bandaríkjunum er nú með bann við þungunarrofi, að hluta eða að öllu leyti.

Tengdar fréttir

Donald Trump verðandi Bandaríkjaforseti

Fyrrum yfirmaður glímusambands verður ráðherra

• Trump mun skipa sjónvarpslækninn Dr. Oz
• Hegseth borgaði konu sem sakaði hann um ofbeldi
• Vélhundur vaktar golfsetur Trumps
• Trump útnefnir olíujöfur í orkumálaráðuneytið

» Fleiri tengdar fréttir

• Blogga um frétt