Norðmenn ætla að viðurkenna sjálfstæði Palestínu frá og með 28. maí. Jonas Gahr Støre, forsætisráðherra Noregs, greindi frá þessu á blaðamannafundi í morgun.

Spánverjar, Írar og Slóvenar eru sagðir ætla að gera slíkt hið sama innan skamms.

„Það verður enginn friður án Palestínuríkis,” sagði Støre.

Frétt af mbl.is

Kalla sendiherra heim frá Noregi og Írlandi

Hann sagði að ekki hefði verið hægt að bíða með ákvörðunina þangað til eftir að friðarsamkomulag næðist, að sögn Aftenposten. 

Eina langvarandi lausnin

Bætti hann við að eina langvarandi lausnin á deilunni fyrir botni Miðjarðarhafs væri tveggja ríkja lausn. Afstaða Norðmanna hefði lengi verið sú að Ísraelar og Palestínumenn skyldu búa hlið við hlið í friði og við öryggi. 

Palestínumenn innan um húsarústir á Gasasvæðinu í morgun eftir loftárásir Ísraela. AFP/Bashar Taleb

Forsætisráðherrann lagði áherslu á að Noregur fordæmdi árás Hamas-samtakanna á Ísrael 7. október og sagði Ísraela hafa rétt á að verja sig.

Hann sagði aftur á móti að „viðurkenning Palestínu getur styrkt þau hófsömu öfl í Palestínu sem vinna að tveggja ríkja lausn. Hún getur einnig styrkt hófsöm öfl Ísraelsmegin og þetta getur fært Palestínumönnum von um betri framtíð”.

Uppfært kl. 7.28:

Írar hafa einnig viðurkennt sjálfstæði Palestínu.

Tengdar fréttir

Ísrael/Palestína

Fimm blaðamenn drepnir

• Forseti Ísraels skorar á leiðtoga að ná samningum
• „Komum þeim öllum heim“
• Ísrael gerir hvað sem er til að verja ríki gyðinga
• Engin hátíðahöld í Betlehem um jólin

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Það verður enginn friður.