Pedro Sanchez, forsætisráðherra Spánar, greindi frá því á spænska þinginu í morgun að spænsk stjórnvöld hafi tekið þá ákvörðun að viðurkenna sjálfstæði Palestínu frá og með 28. maí.

„Næsta þriðjudag, 28. maí, mun ríkisstjórn Spánar samþykkja viðurkenningu á palestínska ríkinu,“ sagði Sanchez þegar hann ávarpaði spænska þingið í morgun.

Frétt af mbl.is

Norðmenn viðurkenna palestínskt ríki

Sanchez bætti því við að ísraelski starfsbróðir hans, Benjamín Netanjahú, væri að setja tveggja ríkja lausnina í hættu með stefnu sinni um eyðileggingu á Gasa.

„Það er afar mikilvægt að Ísrael og Palestína semji um frið og það er ástæða þess að við viðurkennum sjálfstæði Palestínu,“ sagði spænski forsætisráðherrann ennfremur.

Frétt af mbl.is

Kalla sendiherra heim frá Noregi og Írlandi

Fyrr í morgun tilkynnti Jonas Gahr Støre, forsætisráðherra Norðmanna, að Norðmenn ætli að viðurkenna sjálfstæði Palestínu frá og með 28. maí og Írar hafa gert slíkt hið sama. 

Tengdar fréttir

Ísrael/Palestína

Þungt hugsi yfir ofbeldinu

• Konur og börn „næstum 70%“ látinna á Gasa
• Tvær árásir á ísraelska herstöð á sólarhring
• Fordæma árásir á ísraelska áhangendur
• Gera þarf grein fyrir reiðufé

» Fleiri tengdar fréttir

• Blogga um frétt