Sviptingar í samstarfi hægriflokka á Evrópuþinginu

Alternati­ve für Deutsch­land (AfD) er ekki lengur hluti af ID-hópnum fyrir komandi kosningar til Evrópuþingsins. ID-hópurinn er hópur þjóðernissinnaðra hægri flokka á Evrópuþinginu. 

Maximilian Krah er oddaframbjóðandi fyrir AfD fyrir komandi kosningar. Nýlega birti hann myndskeið á samfélagsmiðlinum TikTok þar sem hann sagði að „ungir Þjóðverjar gætu verið stoltir af forfeðrum sínum”.

Frétt af mbl.is

AfD enn á lista sem hættuleg öfgasamtök

Ekki allir afbrotamenn

Ítalska dagblaðið La Republica spurði Krah hvort ungir Þjóðverjar gætu líka verið stoltir ef forfeður þeirra hefðu verið meðlimir í SS-sveit Hitlers.

„Það voru örugglega margir af þeim afbrotamenn, en ekki allir. Ég myndi aldrei segja að allir sem voru í SS-sveitinni hefðu verið afbrotamenn,” svaraði Krah.

Yfirlýsing Krah hefur leitt til þess að Marine Le Pen leiðtogi hægriflokksins RN hefur ákveðið að slíta samstarfi sínu við AfD fyrir komandi kosningar á Evrópuþinginu. Þá hefur danski Þjóðarflokkurinn einnig slitið samstarfi sínu við AfD. AfD er þá ekki lengur hluti af ID-hópnum.

• Blogga um frétt