Trump fundinn sekur í öllum ákæruliðum
Setja bókamerki
Donald Trump, fyrrverandi forseti Bandaríkjanna og líklegur forsetaframbjóðandi Repúblikana hefur verið dæmdur sekur í 34 ákæruliðum af 34 í máli tengdu fölsuðum viðskiptaskjölum og greiðslum til klámmyndaleikkonunnar Stormy Daniels.
Niðurstaða kviðdómsins í málinu var kynnt rétt í þessu.
Trump var sakaður um að hafa falsað reikninga og önnur gögn í tengslum við greiðslur til Daniels. Trump og Daniels eiga að hafa átt samneyti árið 2006. Fyrsta greiðsla Trumps til að þagga niður í Daniels um samneyti þeirra barst árið 2016, fyrir forsetakosningarnar í Bandaríkjunum. Meira en 20 manns báru vitni í málinu.
Þetta er í fyrsta sinn í sögu Bandaríkjanna sem fyrrverandi forseti Bandaríkjanna telst sem dæmdur afbrotamaður.
Samkvæmt Reuters óskaði lögmaður Trump eftir því að fallið yrði frá úrskurðinum vegna þess að hann byggðist á óáreiðanlegum vitnisburði, þeirri beiðni var þó hafnað.
Dómsuppkvaðning í máli Trump verður þann 11. júlí næstkomandi, tæpum fjórum mánuðum áður en bandarísku forsetakosningarnar fara fram, þann 5. nóvember.
Trump gæti hlotið allt að fjögurra ára fangelsisdóm en búist er við því að hann muni áfrýja.
Fréttin var uppfærð klukkan 21:37.
„Við vorum alveg á nippinu“
Vilja greina niðurstöður PISA-könnunarinnar
Funduðu að næturlagi vegna gruns um kvikuhlaup
„Þetta er ljót mynd“
Hvað verður um sakamálin ef Trump vinnur? Eða tapar?
Ekki gerlegt að sakfella eftir lýsingu í ákæru
Mjótt á munum degi fyrir kosningar