Nig­el Fara­ge hyggst gefa kost á sér í þing­kosn­ing­um Bret­lands sem haldn­ar verða 4. júlí.

Fara­ge til­kynnti áformin í dag á blaðamanna­fundi en hann gef­ur kost á sér í þing­sæti Clact­on-on-Sea, en íbú­ar kjör­dæm­is­ins eru afar hlynnt­ir Brex­it. Mun hann sömu­leiðis fara fram sem formaður Reform UK-flokks­ins. 

Reform UK var stofnað árið 2018 og er hægris­innaður po­púl­ista­flokk­ur sem beitti sér fyr­ir út­göngu Bret­lands úr Evr­ópu­sam­band­inu. 

Hafði Fara­ge sagt aðeins ör­fá­um dög­um áður að hann hygðist ekki gefa kost á sér í kosn­ing­un­um, en á blaðamanna­fund­in­um sagði hann að sér hefði snú­ist hug­ur.

Frétt af mbl.is

For­sæt­is­ráðherra Bret­lands boðar til þing­kosn­inga

Gæti orðið Íhalds­flokk­in­um að falli

„Ég get ekki valdið öll­um þess­um millj­ón­um manns von­brigðum,“ sagði Fara­ge og vísaði þar til stuðnings­manna sinna í fyrri kosn­ing­um og Brex­it-þjóðar­at­kvæðagreiðslunni. 

Fram­boð Fara­ge set­ur óneit­an­leg­an þrýst­ing á for­sæt­is­ráðherra lands­ins, Ris­hi Sunak, og Íhalds­flokk­inn, sem má vart við því að missa at­kvæði til ann­ars flokks á hægri vængn­um.

Reform UK mæl­ist með um 11 pró­senta fylgi eins og er sem kæmi veru­lega niður á Íhalds­flokkn­um ef kosið væri núna, enda myndi flokk­ur­inn missa þing­sæti sem hann þyrfti til að sigra í kosn­ing­un­um.

„Ég tel okk­ur vel geta fengið fleiri at­kvæði en Íhalds­flokk­ur­inn. Þeir eru á barmi þess að falla,“ sagði Fara­ge. 

Íhalds­flokk­ur­inn og Ris­hi Sunak mega ekki við því að missa þing­sæti til Reform UK. AFP

Tel­ur Verka­manna­flokk­inn sig­ur­strang­leg­an

Kvaðst hann sömu­leiðis full­viss um að Reform UK myndi stela at­kvæðum frá Verka­manna­flokki Bret­lands, en hann teldi engu að síður nokkuð ör­uggt að Verka­manna­flokk­ur­inn myndi sigra í  næstu kosn­ing­um. 

„Það sem ég er í raun að kalla eft­ir, og hyggst leiða, er póli­tísk upp­reisn. Að við snú­um baki við þessu óbreytta ástandi,“ sagði Fara­ge.

„Ekk­ert í þessu landi virk­ar leng­ur. Við erum á niður­leið.“

Fara­ge hef­ur áður gefið kost á sér, nán­ar til­tekið sjö sinn­um, en hef­ur ekki tek­ist að ná sæti á þingi til þessa, en náði aft­ur á móti sæti á Evr­ópuþingi fyr­ir hönd Brex­it-flokks­ins á sín­um tíma. 

Frétt af mbl.is

Fara­ge mun ekki bjóða sig fram

Tengd­ar frétt­ir

Brex­it

Verði auðveld­ara að fara til og frá Bretlandi

• Fríversl­un­ar­samn­ing­ur­inn form­lega geng­inn í gildi
• Harma hve illa Bret­um hef­ur tek­ist að semja
• Fimm mál sem leiddu til falls­ins
• Meiri afli vegna Brex­it kalli á fjár­fest­ing­ar

» Fleiri tengd­ar frétt­ir

Þing­kosn­ing­ar í Bretlandi 2024

Fram­far­ir „aðal­verk­efni“ nýrr­ar stjórn­ar

• Bjarni og Kristrún óska Star­mer til ham­ingju
• Hver sitja í rík­is­stjórn Star­mers?
• Fyrsti kven­kyns fjár­málaráðherra Bret­lands
• Stór­merki­leg­ar kosn­ing­ar að baki og Fara­ge á þing

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Ingólf­ur Sig­urðsson: Var Brex­it Bret­um til hags­bóta?
• Geir Ágústs­son: Hægris­innaður po­púl­ista­flokk­ur