Árásin líklega ekki vegna pólitískra hvata
Setja bókamerki
Ekki er talið að svo stöddu að karlmaðurinn sem grunaður er um að hafa ráðist á Mette Frederiksen, forsætisráðherra Danmerkur, í gær hafi gert það vegna pólitískra hvata.
Þetta sagði saksóknarinn Taruh Sekeroglu við blaðamenn í dag.
„Það er ekki okkar tilgáta að hér sé pólitískur hvati að baki. En það er eitthvað sem lögreglan mun að sjálfsögðu rannsaka,“ sagði Sekeroglu.
Ölvaður og undir áhrifum fíkniefna
Karlmaðurinn er 39 ára gamall Pólverji og var hann leiddur fyrir dómara fyrr í dag í Fredriksberg í Kaupmannahöfn.
Við ákvörðun á gæsluvarðhaldi kynntu stjórnvöld minnisblað frá lækni sem segir að karlmaðurinn hafi líklega verið undir áhrifum fíkniefni og ölvaður þegar hann var handtekinn.
Maðurinn hefur verið úrskurðaður í gæsluvarðhald til 20. júní.
Man ekki eftir því hvað hann var að gera
Karlmaðurinn hefur ekki játað á sig verknaðinn.
Danska ríkisútvarpið greinir frá því að í réttarsalnum hafi saksóknarinn spurt karlmanninn hvort að hann myndi eftir því hvað hann hafði verið að gera á tíma árásarinnar.
„Til að vera alveg hreinskilinn, þá ekki mjög miklu,“ svaraði karlmaðurinn.
Braut ítrekað á barnungri dóttur sambýliskonunnar
Tekur tilkynningu Veðurstofunnar með fyrirvara
Móðir Dagbjartar: Mjög skýr, klár og ákveðin kona
/frimg/1/35/4/1350480.jpg)
Covid-19 aftur á skrið
Mikill viðbúnaður þegar tveimur var bjargað úr sjó