Sjónvarpslæknirinn Michael Mosley lést af náttúrulegum orsökum samkvæmt bráðabirgðaniðurstöðu krufningar.
Mosley fannst í gær eftir að viðbragðsaðilar höfðu leitað hans í fimm daga á grísku eyjunni Symi.
Frekari skoðun á líkinu mun fara fram og verður eiturefnaskýrsla gefin út.
Þetta er samkvæmt heimildum BBC.
Í umfjöllun BBC segir að engin ummerki hafi fundist um banvæn meiðsli.
Hann er sagður hafa látið lífið um klukkan 16 á miðvikudag, daginn sem hann fór í göngutúr og skilaði sér ekki til baka. Hafði hann skilið símann sinn eftir.
Lík Mosley fannst á grýttri strönd nærri svæðinu þar sem hann hvarf.
Mosley var 67 ára og lætur eftir sig eiginkonu og börn.