Samþykktu ályktunartillögu um vopnahlé á Gasa
Setja bókamerki
Öryggisráð Sameinuðu þjóðanna hefur samþykkt ályktunartillögu sem leggur til vopnahlé á Gasasvæðinu. Hvetur ráðið Hamas-samtökin til að gera slíkt hið sama.
„Í dag kusum við frið,“ sagði Linda Thomas-Greenfield, sendiherra Bandaríkjanna, eftir fund öryggisráðs Sameinuðu þjóðanna í dag þar sem tillagan var samþykkt með 14 atkvæðum. Rússar sátu hjá í atkvæðagreiðslunni.
Bætti hún við að ráðið hefði nú sent skýr skilaboð til Hamas um að samþykkja vopnahléssamninginn sem væri á borðinu. Sagði hún Ísraela nú þegar hafa samþykkt samninginn og gætu átök hætt í dag ef Hamas gerði slíkt hið sama.
/frimg/1/49/58/1495889.jpg)
Vegvísir að varanlegu vopnahléi
Tillagan var lögð fram af forseta Bandaríkjanna, Joe Biden, 31. maí. Sagði hann þá tillöguna vera vegvísi að varanlegu vopnahléi og lausn allra gísla.
Tillagan gerir ráð fyrir sex vikna vopnahléi. Kveður fyrsti fasinn á um að Ísraelsher sleppi fjölda fanga, þar með talið konum, öldruðum og særðum í skiptum fyrir gísla Hamas.
Vopnahléið myndi einnig gera hjálparsveitum kleift að koma upp öruggu og skilvirku hjálparstarfi á Gasaströndinni til Palestínumanna.
Á meðan tímabundið vopnahlé stæði yfir myndu Ísrael og Hamas hefja viðræður á varanlegu vopnahléi.
Hamas vilja varanlegt vopnahlé
Hamas-samtökin tóku vel í tillöguna í dag og sögðust tilbúin til að hefja viðræður um vopnahlé.
Hafa þó samtökin krafist þess að vopnahléið skyldi verða varanlegt í stað sex vikna. Þeirri kröfu hefur verið hafnað af Ísrael sem enn hóta því að útrýma samtökunum.
Formaðurinn útilokar ekki undirritun í kvöld
Fundur hafinn hjá kennurum, ríki og sveitarfélögum
Sendi nektarmyndir af dreng sem hann passaði
Vinna hefst í dag við að reisa undirstöður
Ekki hægt að slá gosið út af borðinu strax
„Við vöknuðum við hljóð frá sprengingum“
Hvatti kjósendur til þess að greiða ógild atkvæði
Vilja 20 ára dóm í frönsku nauðgunarmáli