Enginn komst lífs af í flugvél varaforsetans

Forseti Malaví, Lazarus Chakwera, greinir frá því að enginn hafi komist lífs af þegar flugvél með Saulos Chilima varaforseta og níu öðrum hrapaði í skóglendi.

„Flugvélin er fundin og ég er sorgmæddur og leiður að tilkynna ykkur öllum, að þetta hefur reynst vera ömurlegur harmleikur,“ sagði forsetinn í sjónvarpsávarpi sínu. 

Flugvélin hvarf í gær af ratsjá eftir brottför frá höfuðborg Malaví, Lilongwe, og hófust leitar- og björgunaraðgerðir eftir að flugmálayfirvöld náðu ekki sambandi við vélina. 

Frétt af mbl.is

Flugvélin horfin og varaforsetinn með

Dansaði með Bjarna í maí

Bjarni Benediktsson, forsætisráðherra Íslands, fór í opinbera heimsókn til Malaví í maí í tilefni af 35 ára samstarfsafmæli landana. 

mbl.is greindi frá því að Bjarni hefði varið tíma með Chilima varaforseta og sást meðal annars til þeirra saman í hátíðarhöldum sem Bjarni tók þátt í.

Frétt af mbl.is

Bjarni dansaði með innfæddum undir tónum Herra hnetusmjörs

• Blogga um frétt