Danska leyniþjónustan hefur handtekið rússneska konu vegna gruns um að hún hafi gert erlendri leyniþjónustu kleift að starfa í Danmörku.
Í tilkynningu frá leyniþjónustunni segir að búist sé við að konan verið látin laus úr haldi að loknum yfirheyrslum. Þá sé málið enn til rannsóknar.
Leyniþjónustan leggur áherslu á að málið tengist ekki nýlegum kosningum til Evrópuþings, heldur snerti það nýlegar fréttir um rússneskan sjóð.
Danska ríkisútvarpið og fleiri miðlar í Evrópu fluttu nýlega fréttir af rússneska njósnasjóðinum Pravfond. Sjóðurinn er nýttur til þess að fjármagna rússneskan áróður og brot gegn viðskiptabanni landsins um alla Evrópu.