30 milljarða sekt vegna meðferðar á flóttamönnum

Evrópudómstóllinn hefur sektað Ungverjaland um 200 milljónir evrur eða tæpar 30 milljarða krónur. Sektinni fylgir dagleg sekt upp á eina milljón evrur fari Ungverjaland ekki að lögum sambandsins þegar kemur að flóttamönnum og fyrir að vísa innflytjendum á brott með ólöglegum hætti. 

Frétt af mbl.is

Spennan magnast á lokametrum Evrópuþingskosninga

Brot án fordæmis

Dómstóllinn segir yfirvöld í Ungverjalandi hafa meðvitað ákveðið að fara á skjön við úrskurð dómstólsins frá árinu 2020 er varðar meðferð flóttamanna. 

„Brestur á umræddum skyldum felur í sér einstakalega alvarlegt brot án fordæmis á reglum Evrópusambandsins,“ kemur fram í yfirlýsingu frá dómstólnum. 

Viktor Orban, forsætisráðherra Ungverjalands, sagði ákvörðun dómstólsins svívirðilega og óásættanlega í færslu á félagsmiðlinum X. 

„Svo virðist sem að ólöglegir innflytjendur séu kerfiskörlunum í Brussel mikilvægari en eigin þegnar,“ sagði hann enn fremur. 

Áður verið vöruð við

Dómstóllinn hefur áður varað yfirvöld í Ungverjaland við fyrir að sporna gegn tilmælum sambandsins frá 2015 um móttöku kvótaflóttamanna.

Yfirvöld hafa gripið til ýmissa ráða til þess að hefta komu flóttamanna til landsins. Þar á meðal með því að vísa flóttamönnum úr landi á meðan að verið er að fara yfir umsókn þeirra. 

Að mati dómstólsins eru yfirvöld með þessum hætti að grafa undan samstöðu og sameiginlegri ábyrgð aðildarríkja sambandsins.   

• Blogga um frétt