Hisbollah-samtökin í Líbanon framkvæmdu samhæfða loftárás á ísraelsk hernaðarskotmörk fyrr í dag.
Samtökin sem búa að stuðningi stjórnvalda í Íran segja árásina mótsvar við morði eins helsta leiðtoga samtakanna, Taleb Abdallah.
Samkvæmt yfirlýsingu frá Hisbollah hleyptu samtökin af stað dróna- og loftskeytaárás á níu mismunandi hernaðarskotmörk.
Meðal skotmarka var herstöð sem samtökin segja að hafi verið bækistöð leyniþjónustunnar sem skipulagði morð Abdallah.
Yfirvöld í Ísrael segja að um 40 skotflaugum hafi verið hleypt af stað í átt að svæðunum Galilee og Golan og sögðu enn fremur að loftvarnakerfi hefði stöðvað meginþorra skotflauganna á miðri leið, en að einhver hefðu komist í gegn.
Yfirvöld hétu því að hefna árásinnar af hörku: „Ísrael mun svara árásarhneigð Hisbollah af hörku,“ sagði talsmaður ríkisstjórnar Ísrael, David Mencer, á blaðamannafundi.