Hafnar tilboði Pútíns og líkir honum við Hitler
Setja bókamerki
Tengdar fréttir
Úkraína
Volodimír Selenskí Úkraínufoseti hafnar kröfum Rússa sem vilja að Úkraínumenn dragi hersveitir sínar til baka á fjórum svæðum í Úkraínu. Kallaði hann kröfurnar „úrslitakosti“ og líkti Vladimír Pútín Rússlandsforseta við Adolf Hitler.
„Þessi skilaboð eru skilaboð um úrslitakosti... Það er það sama og Hitler gerði,“ er haft eftir Selenskí í þýðingu viðtals á sjónvarpsstöðinni Sky TG24, ítalskri útgáfu Sky News.
„Nasisminn er þegar kominn og er nú með andlit Pútíns,“ sagði Úkraínuforsetinn enn fremur.
Friðarráðstefna á morgun
Rússlandsforseti sagði í morgun að stjórnvöld í Kreml myndu aðeins samþykkja vopnahlé og hefja friðarviðræður við Úkraínumenn gegn tveimur skilyrðum:
Annars vegar þyrftu Úkraínumenn að draga hersveitir sínar til baka af svæðum í sunnanverðri Karkív og í Saporísjía og hins vegar falla frá tilraunum til að ganga í Atlantshafsbandalagið.
Þessu vísar Úkraínuforseti á bug. Á morgun halda Úkraínumenn friðarráðstefnu í Sviss og mæta þangað fulltrúar hinna ýmsu ríkja, m.a. Bjarni Benediktsson forsætisráðherra.
Úkraínumenn buðu Rússum ekki að taka þátt á ráðstefnunni.
Tengdar fréttir
Úkraína
Stormur á Þorláksmessu en víðast hvar stefnir í hvít jól
Lát hjóna í Neskaupstað: Ákæra gefin út
Ók á hóp fólks á jólamarkaði: Einn látinn
Fyrsti blaðamannafundurinn í heild sinni
„Mér finnst gamla Samfylkingin komin aftur“
Víkingar komnir yfir 800 milljónir í greiðslur
Beint: Ný ríkisstjórn tekin við völdum
Skattamál verði líklega „þeirra mesta klemma“
