Leitaði sér hjálpar eftir árásina
Setja bókamerki
Mette Frederiksen, forsætisráðherra Danmerkur, kom fram í opinberum erindagjörðum í fyrsta sinn í dag síðan hún varð fyrir árás þann 7. júní síðastliðinn. Hún segist halda að samfélagið eigi erfiðara með að sætta sig við konur í valdastöðum heldur en karla.
Forsætisráðherrann viðurkenndi í viðtali við dönsku sjónvarpsstöðina TV2 hafa leitað sér aðstoðar hjá fagaðila í kjölfar þess að 39 ára gamall pólskur maður kýldi hana á torgi í Kaupmannahöfn.
Lögreglan hefur handtekið manninn, sem mun sitja í gæsluvarðhaldi til 20. júní, en telur hún ólíklegt að hann hafi ráðist á ráðherrann vegna pólitískra hvata.
Segir suma gagnrýni tengjast kyni
Frederiksen var stödd á stjórnmálahátíð á Borgundarhólmi í opinberum erindagjörðum í dag. Var hún þar spurð hvers vegna hún talaði ekki meira um kyn sitt í opinberri umræðu. Svaraði forsætisráðherrann því að hún hafi ekki verið mjög dugleg við það hingað til.
Hún viðurkenndi að þrátt fyrir að Danmörk hafi lengi staðið sig vel í kynjajafnrétti þá hafi hún og aðrar danskar sjórnmálakonur lent í því að gagnrýni gagnvart þeim tengist kyni fremur en öðru.
„Við eigum erfiðara með völd og konur heldur en völd og karlmenn," segir Mette.
Auðlindagjaldið hljómar vel
Gular viðvaranir í dag og á morgun
Fjallvegir á Vestfjörðum og víða um land á óvissustigi
„Átti von á fleiri útköllum“
„Umferðin greinilega að þyngjast“
Hvetja fólk til að huga að niðurföllum