Samþykktu varanlegan stuðning við Úkraínu

Leiðtogar G7-ríkjanna hafa gefið frá sér viljayfirlýsingu þess efnis að stuðningur þeirra við Úkraínu haldi áfram þangað til frelsi landsins og enduruppbygging þar verði að veruleika. 

„Við stöndum sameinuð í stuðningi okkar við frelsisstríð Úkraínu og enduruppbyggingu landsins, sama hve lengi það tekur,“ segir í yfirlýsingunni. 

Leiðtogarnir samþykktu á leiðtogafundi G7-ríkjanna að lána Úkraínu 50 milljarða dala sem verður fjármagnað með eignum Rússa sem hafa verið frystar.

Frétt af mbl.is

Fagnar sögulegu láni til Úkraínu

Gagnrýndu framferði Kína

Þá gagnrýndu leiðtogarnir framferði Kína á ýmsum sviðum, þar á meðal vegna losunar gróðurhúsalofttegunda og vegna ofþenslu iðnaðar.

Leiðtogarnir kröfðust þess einnig að yfirvöld í Kína hættu vopnasendingum til Rússlands og sögðust einnig mótfallnir ögrunum kínverska hersins í Suður-Kínahafi, sem leiðtogarnir segja að hindri frelsi til athafna á sjó. 

• Blogga um frétt