Myndskeið: Skemmdarverk unnið á Stonehenge

Tveir hafa verið handteknir í Bretlandi eftir að umhverfissinnar unnu skemmdarverk á hinu eld­forna mann­virki Stonehenge.

Lögreglan á Bretlandi upplýsir um þetta í yfirlýsingu. Umhverfisverndarsinnar höfðu úðað appelsínugulu efni á steinmannvirkið, sem er í suðvesturhluta Englands. Stonehenge er á heims­minja­skrá UNESCO.

„Við höfum handtekið tvo í kjölfar atviks við Stonehenge síðdegis í dag,“ skrifar lögreglan í Wiltskíri í yfirlýsingu.

Myndskeið sem birt voru á samfélagsmiðlum sýna að aðgerðasinnar úr náttúruverndarsamtökunum Just Stop Oil hafi úðað appelsínugulu efni á tvo jötunsteina.

Í færslu samtakanna kemur fram að kröfur aðgerðarsinnanna beinist að næstu ríkisstjórn Breta og krefjast aðgerðarsinnar þess að sú ríkisstjórn fasi út jarðefnaeldsneyti fyrir árið 2030.

• 1 blogg um fréttina

Bloggað um fréttina

• Wilhelm Emilsson: Að bjarga heiminum