Pútín og Kim Jong Un skrifa undir varnarsamning
Setja bókamerki
Tengdar fréttir
Norður-Kórea
Vladimír Pútín Rússlandsforseti hefur skrifað undir gagnkvæman varnarsamning við Kim Jong Un, leiðtoga Norður-Kóreu, en sá síðarnefndi bauð um leið fullan stuðning sinn við innrás Rússa í Úkraínu.
Skrifað var undir samninginn á fundi leiðtoganna í norðurkóresku höfuðborginni Pjongjang í dag, en þangað er Pútín kominn í fyrstu heimsókn sína í 24 ár.
Lengi átt í bandalagi
„Þetta er raunverulega tímamótaskjal,“ sagði Pútín á blaðamannafundi að lokinni undirrituninni og bætti við að í því væri meðal annars kveðið á um gagnkvæma aðstoð, verði annað ríkjanna fyrir árás.
Ríkin tvö hafa átt í bandalagi frá því Norður-Kórea var stofnuð eftir heimsstyrjöldina síðari. Tengslin hafa styrkst enn meir í kjölfar innrásarinnar í Úkraínu, sem hefur einangrað Pútín og Rússland á alþjóðavettvangi.
Bandaríkin og bandamenn þeirra hafa sakað Norður-Kóreu um að útvega Rússlandi skotfæri og eldflaugar til nota í stríðinu í Úkraínu. Samkomulagið nýja þykir ekki draga úr áhyggjum þess efnis.
Tengdar fréttir
Norður-Kórea
Beint: Eldgos hafið við Stóra-Skógfell
Gosið gæti varað lengur: Meiri fyrirstaða í gosrásinni
Á algjöru frumstigi eftir þrjár vikur af verkfalli
Átti ekki að láta pirring bitna á sjúklingi
Mjög alvarlegt ef Njarðvíkuræð gefur sig
Sáu eldgosið brjótast út frá Snæfellsnesi
Úlfar: Heppileg tímasetning á gosinu