Rússar segja Bandaríkjamenn ábyrga fyrir flug­skeyta­árás Úkraínu­manna á Sevastópol á Krímskaga í gær. Þeir segja fjóra hafa látist í árásinni, þar af tvö börn, og yfir hundrað særst. 

Flugskeytið sprakk fyrir ofan strönd Sevastópol, hafn­ar­borg við Svarta­haf og flota­stöð á Krímskaga sem Rúss­ar inn­limuðu árið 2014, og segja rússneskir embættismenn að sprengjum hafi rignt yfir fólk sem slakaði þar á. 

Í yf­ir­lýs­ingu rúss­neska varn­ar­málaráðuneyt­is­ins segir að Bandaríkin og Úkraína beri „ábyrgð á vísvitandi eldflaugaárás á friðsæla íbúa“, með banda­rísk­um ATACMS-eld­flaug­um.

Frétt af mbl.is

Þrír létust og 100 særðust í árás Úkraínumanna

Rúmlega 200 manns þurft á aðstoð lækna að halda 

Mík­haíl Rasvosjajev, rík­is­stjóri Sevastópol, sagði í myndbandi á Telegram að þrjú börn og tveir fullorðnir hefðu látist í árásinni auk þess sem næstum 120 hefðu særst. 

Hann hefur þó leiðrétt sig og segir nú að fjórir einstaklingar hafi látist, 151 hafi þurft að leita læknisaðstoðar og 82 hafi verið lagðir inn á sjúkrahús. 

Tengdar fréttir

Úkraína

10 almennum borgurum sleppt úr haldi

• Handtökuskipun gefin út fyrir Gerasím­ov og Shoígú
• Gætu þurft að líta á netárásir sem hernað
• Þrír létust og 100 særðust í árás Úkraínumanna
• Aðildarviðræður hefjast í næstu viku

» Fleiri tengdar fréttir

• Blogga um frétt