„Þarf tíma til að jafna sig“
Setja bókamerki
Julian Assange þarf næði og tíma til að jafna sig eftir meira en fimm ár í háöryggisfangelsi í London.
Þetta sagði Stella eiginkona hans eftir heimkomu Assange til Canberra í Ástralíu í morgun.
„Þið verðið að skilja að hann þarf tíma til að jafna sig,“ sagði tárvot Stella Assange við fréttamenn eftir að hafa endurheimt eiginmann sinn.
Assange kom til Canberra á tíunda tímanum í morgun eftir flug frá Norður-Maríaneyjum en eins og fram hefur komið lýsti Assange sig sekan af ákæru um samsæri sem snýr að birtingu trúnaðargagna og var það liður í sátt sem hann gerði við yfirvöld í Bandaríkjunum til að komast hjá framsali til Bandaríkjanna.
„Ég bið ykkur vinsamlega að gefa okkur fjölskyldunni tíma og næði. Hann er nýkominn til Ástralíu eftir að hafa verið í háöryggisfangelsi í meira en fimm ár og72 tíma flug. Það er ótímabært fyrir hann að tjá sig,“ sagði Stella ennfremur en Julian Assange vildi ekki ræða við fréttamenn eftir komuna til Canberra.
Leiðindaveður yfir jólahátíðina
„Umferðin greinilega að þyngjast“
„Á allt sitt undir því að njóta trausts almennings“
Clinton fluttur á sjúkrahús
Íslendingar vanir að klæða sig vel
Tilfellum RS-veiru fjölgar verulega
Óveður heldur Holtavörðuheiði lokaðri