Hisbollah samtökin vörpuðu tugum eldflauga á herstöð í norðurhluta Ísraels í hefndarskyni fyrir árásir Ísraelsmanna á Líbanon. Tilkynnt var að fjórir menn hefðu fallið að því er fram kemur á vef AFP fréttaveitunnar.

Vaxandi ótti er um allsherjar stríð milli Ísraelsmanna og Hisbollah í Líbanon vegna hótana og árása sem hafa gengið á víxl.

Hisbollah, bandamenn Hamas, sögðu nýafstaðnar eldflaugaárásir vera hefndaraðgerðir vegna árása Ísraelsmanna á borgina Nabatiyeh og þorpið Sohmor, í suðurhluta Líbanon.

Franska utanríkisráðuneytið sagði í dag að stjórnvöld í París hefðu verulegar áhyggjur af átökunum og hvetja alla aðila til að halda aftur af sér.

Yoav Gallant, varnarmálaráðherra Ísraels, sagði í heimsókn sinni til Washington í gær að Ísraelsmenn vilji ekki heyja stríð gegn Hisbollah en þeir gætu hins vegar sent landsvæðið aftur til “steinaldar” ef diplómatísk samskipti brygðust.

Tengdar fréttir

Ísrael/Palestína

Hamas engu nær því að samþykkja vopnahlé

• Strangtrúaðir skulu í herinn
• Bardagar í Rafah senn á enda
• Óku af stað með Palestínumann bundinn við húddið
• Segir að deilur við Bandaríkjamenn verði leystar fljótlega

» Fleiri tengdar fréttir

• Blogga um frétt