Trump þykir hafa staðið sig betur en Biden
Setja bókamerki
Yfirgnæfandi meirihluti þeirra sem horfðu á forsetakappræður Joe Bidens Bandaríkjaforseta og Donalds Trumps, fyrrverandi Bandaríkjaforseta, í nótt þótti Trump standa sig betur en Biden.
Þetta kemur fram í könnun sem CNN lét framkvæma fyrir sig meðal kjósenda sem fylgdust með kappræðunum.
Alls sögðu 67% svarenda að Trump hafi staðið sig betur á sama tíma og 33% sögðu Biden hafa staðið sig betur.
Kappræðurnar höfðu ekki mikil áhrif
81% svarenda sögðu að kappræðurnar hafi ekki haft nein áhrif á val þeirra, 14% til viðbótar sögðu að kappræðurnar hafi haft áhrif á þá en ekki breytt afstöðu þeirra.
Aðeins 5% sögðu að kappræðurnar hafi breytt afstöðu þeirra til þess hvern þeir vildu kjósa.
Álit svarenda á Biden minnkaði eftir kappræðurnar
Spurt var sama úrtakið bæði fyrir og eftir kappræðurnar.
Viðhorf svarenda til Bidens versnaði lítillega í kjölfar kappræðnanna. Tæplega 31% svarenda eru hlynntir honum, samanborið við 37% í könnuninni fyrir kappræðurnar. Aftur á móti eru 43% svarenda hlynntir Trump, en fyrir kappræðurnar var sú tala í 40%.
Úrtakið er þó lítið, 565 manns, og munu fleiri kannanir vafalaust birtast á næstu dögum um frammistöðu frambjóðendanna.
Barn lést í árásinni
Alvarleg netárás á Wise
Lát hjóna í Neskaupstað: Ákæra gefin út
Bjarni: „Útilokað að þetta geti gengið upp“
Funda með þingflokkum
„Þetta er ríkisstjórn almannahagsmuna“
Fyrsti blaðamannafundurinn í heild sinni
„Tímabil aukinnar eldvirkni“
