Tveir lögreglumenn eru sagðir með mikla áverka eftir að ráðist var á þá fyrir utan fundarstað hægri flokksins AfD í Essen í Þýskalandi.
Í tilkynningu segir að óþekktir einstaklingar hafi ráðist á tvo lögreglumenn og barið þá til óbóta. Þeir hafi sparkað í höfuð þeirra og haldið áfram að láta höggin dynja á þeim eftir að þeir féllu til jarðar. Áverkar þeirra eru sagðir alvarlegir í tilkynningu lögreglu.
Málflutningur AfD hefur þótt umdeildur og hafa flokksleiðtogar tekið harða afstöðu í útlendingamálum. Mótmælendur höfðu safnast saman í Essen til að mótmæla uppgangi flokksins í Þýskalandi.