Minnst 30 manns hafa látið lífið í Kenía í vikunni að sögn mannréttindasamtakanna Human Rights Watch.
Mótmæli hafa geisað um allt land vegna frumvarps um skattahækkanir sem samþykkt var á keníska þinginu í vikunni. Eftir mikil mótmæli ákvað William Ruto, forseti Kenía, að skrifa ekki undir frumvarpið.
Mannréttindasamtökin Human Rights Watch segja í tilkynningu að öryggissveitir í Kenía hafi skotið á hóp mótmælenda á þriðjudag. Einnig hafi fólk sem var flýja vettvang verið skotið.
Samtökin segja öryggissveitir hafa brotið kenísk og alþjóðleg lög með þessum aðgerðum sínum.