Útgönguspár benda til þess að Þjóðfylkingarflokkur Marine Le Pen beri afgerandi sigur úr býtum í fyrri umferð þingkosninga í Frakklandi.

Kjörstaðir voru að loka og Þjóðfylkingin er með 34% í útgönguspám. Þar á eftir kemur bandalag vinstriflokka undir merkjum Nýju Alþýðufylkingarinnar (NFP) sem eru með 28,1% fylgi.

Miðjubandalag Emannuel Macron Frakklandsforseta er með 20,3%. Þar á eftir koma Repúblikanar með 10,2%.

BBC greinir frá. 

Sögulegur sigur

Þjóðfylkingin hefur aldrei áður unnið fyrstu umferð þingkosninga í Frakklandi og því er um sögulegar tölur að ræða, ef útgönguspár ganga eftir. Ef þessar tölur verða raunin þá er flokkurinn kominn í kjörstöðu fyrir seinni umferð næsta sunnudag.

Emmanuel Macron, forseti Frakklands, boðaði til kosninganna í skyndi eftir að flokkur hans beið afhroð í kosningum til Evrópuþings í byrjun júní.

Þing­kosn­ing­arn­ar í Frakklandi fara fram með sér­stöku sniði. Ef eng­inn einn fram­bjóðandi fær meiri­hluta í sínu kjör­dæmi fara þeir fram­bjóðend­ur sem hljóta nægt fylgi áfram í næstu lotu þar sem kosið er á nýj­an leik.

Tengdar fréttir

Þingkosningar í Frakklandi

Þúsundir mótmæltu nýja forsætisráðherranum

• Verður elsti forsætisráðherra Frakka
• Macron útilokar ríkisstjórn vinstriflokka
• Stjórnarmyndunarviðræður bíða fram yfir Ólympíuleika
• Leggja til næsta forsætisráðherra Frakklands

» Fleiri tengdar fréttir

• Blogga um frétt