Að minnsta kosti 50 manns krömdust til bana á trúarathöfn í norðausturhluta Indlands í dag. Þá eru nokkrir til viðbótar slasaðir.
Mannfjöldi hafði safnast saman til að fagna hindúaguðinum Shiva í borginni Hathras, sem er um 140 kílómetra suðaustur af Nýju-Delí, höfuðborg Indlands.
Fjöldi fólks hefur þurft að leita á spítala eftir athöfnina.
Nokkuð algengt er að banaslys verði á trúarathöfnum í Indlandi. Árið 2016 létust 112 manns eftir sprengingu af völdum flugelda sem varð á trúarviðburði.
Þá létust 115 manns árið 2013 eftir troðning við brú nálægt hofi í landinu.