Orban á leið til Úkraínu
Setja bókamerki
Tengdar fréttir
Úkraína
Viktor Orban, forsætisráðherra Ungverjalands, kemur í dag í óvænta heimsókn til Kænugarðs í Úkraínu.
Orban hefur ekki heimsótt Úkraínu frá því Rússar réðust inn í Úkraínu í febrúar 2022, en hann hefur verið sá leiðtogi innan ríkja Evrópusambandsins sem hefur mest gagnrýnt fjárstuðning Evrópusambandsins við Úkraínumenn í stríðinu gegn Rússum. Hann til að mynda hindraði tímabundið 50 milljarða evra hjálparpakka til Úkraínu í margar vikur í vor.
Hitti Pútín í október
Orban, sem er leiðtogi þjóðernissinna og hefur verið við völd í Ungverjalandi frá árinu 2010, hefur einnig gagnrýnt stefnu Evrópusambandsins um að hefja formlegar aðildarviðræður við Úkraínumenn. Hann sat þó hjá í atkvæðagreiðslu í stað þess að beita neitunarvaldi.
Orban hefur verið sakaður um að halda uppi góðum samskiptum við Vladimír Pútín Rússlandsforseta. Hann hitti Pútín á leiðtogafundi í Peking í október á síðasta ári og varð þar með fyrsti leiðtogi ríkja innan Evrópusambandsins til að gera það síðan stríðið hófst.
„Mikilvægasta umræðuefnið er möguleikinn á að skapa frið,“ segir Bertalan Havasi, fjölmiðlafulltrúi Orbans, við ungversku fréttastofuna MTI. Hann bætti því við að Orban og Volodimír Selenski, forseti Úkraínu, muni ræða tvíhliða samskipti ríkjanna. Andað hefur köldu á milli þeirra frá því stríðið braust út.
Tengdar fréttir
Úkraína
Fólk stimplað með kvíða og deyr svo
Miðflokkur aldrei stærri: „Kominn tími á kosningar“
Engar áhyggjur af því að tilraunamalbiki blæði
Forseti njóti friðhelgi að hluta
Leggja járnstíg í Esjunni í sumar
Samfylkingin niður í 27% og VG út af þingi
Troða upp í minningu Steingríms
Ekki útlit fyrir lausasölu á næstunni