Viktor Orban, forsætisráðherra Ungverjalands, hvatti í morgun úkraínsk stjórnvöld til að stefna í átt að „skjótu vopnahléi" í Úkraínu sem myndi leggja grunninn að samningaviðræðum við Rússa um að binda enda á rúmlega tveggja ára styrjöld í landinu.

Orban greindi frá þessu er hann stóð við hliðina á Volodimír Selenskí Úkraínuforseta en ungverski forsetinn fór í óvænta heimsókn til Úkraínu í morgun. 

Orban hefur gagnrýnt harðlega stuðning Vesturlanda við úkraínsk stjórnvöld í stríðinu gegn Rússum.

Frétt af mbl.is

Orban á leið til Úkraínu

Orban í Kænugarði í morgun. AFP/Genya Savilov

„Ég bað forsetann um að íhuga hvort...skjótt vopnahlé gæti flýtt fyrir friðarviðræðum," sagði Urban á blaðamannafundi og bætti við að vopnahléið sem hann sæi fyrir sér yrði „háð tímamörkum".

Ólíkt mörgum öðrum evrópskum leiðtogum hafði Orban ekki heimsótt Kænugarð, höfuðborg Úkraínu, síðan Rússar réðust inn í Úkraínu í febrúar 2022.

„Sameiginlegt forgangsmál“

Selesnkí sagði tímasetningu heimsóknarinnar, eftir að Ungverjar tóku við formennsku í ESB, vera táknræna.

„Þetta er skýr vísbending um sameiginlegt forgangsmál okkar Evrópubúa, hversu mikilvægt er að friður komist á í Úkraínu," sagði hann og hvatti Evrópuþjóðir til að halda áfram hernaðarstuðningi sínum til Úkraínu.

Tengdar fréttir

Úkraína

Sammála um að koma þurfi á „varanlegum friði“

• Norðurkóreskir hermenn felldir í Evrópu
• Ákærður, fundinn sekur og myrtur
• ESB í hart við Kínverja og N-Kóreu
• Að minnsta kosti 30 norðurkóreskir hermenn drepnir og særðir

» Fleiri tengdar fréttir

• Blogga um frétt