Christian Brückner, sem liggur undir grun í tengslum við hvarf bresku stúlkunnar Madeleine McCann, fékk handtökuskipun fellda niður í réttarhöldum þar sem hann var ákærður fyrir kynferðisbrot, sem tengist þó ekki máli Madeleine McCann. 

Þrátt fyrir úrskurðinn mun Brückner sitja áfram í fangelsi þar sem hann afplánar dóm fyrir nauðgun á 72 ára gamalli bandaríski konu árið 2005. 

Frétt af mbl.is

Réttað yfir Brueckner í febrúar

Handtökuskipunin var felld niður að beiðni verjandans þar sem ekki lengur voru sterkar sannanir um að Brückner hefði framið þau fimm brot sem hann er ákærður fyrir, samkvæmt yfirlýsingunni frá dómstólum í Brunswick. 

Ákærður fyrir nauðganir og barnaníð

Lögmaður hans telur að niðurfelling handtökuskipunarinnar gæti bent til þess að Brückner verði sýknaður í núverandi réttarhöldum vegna kynferðisbrotanna. 

Brückner hefur verið í réttarhöldum í Brunswick síðan í febrúar þar sem hann er ákærður fyrir þrjár nauðganir og tvær ákærur fyrir barnaníð, sem hann er sagður hafa framið í Portúgal á árunum 2000 til 2007. 

Réttarhöldin munu halda áfram eins og áætlað var og búist er við niðurstöðum í október. 

Tengdar fréttir

Madeleine McCann

Gæti losnað á næsta ári: Grunaður um hvarf „Maddie“

• Réttað yfir Brueckner í febrúar
• Biðjast afsökunar í máli Madeleine McCann
• Rannsaka hluti í tengslum við hvarfið á McCann
• Leitinni að Madeleine lokið

» Fleiri tengdar fréttir

• Blogga um frétt