Joe Biden „alls ekki“ á förum
Setja bókamerki
Tengdar fréttir
Joe Biden Bandaríkjaforseti
Joe Biden Bandaríkjaforseti er „alls ekki“ að fara að draga framboð sitt til baka, sagði Karine Jean-Pierre, blaðamannafulltrúi Hvíta hússins, á blaðamannafundi í dag.
Biden er sagður hafa tekið í sama streng á símafundi í dag.
New York Times og CNN greindu frá því fyrr í dag að Biden hefði viðurkennt fyrir einum af sínum helsta bandamanni að framboðið sjálft væri að veði, gæti hann ekki sannfært almenning um að hann gæti enn sinnt starfinu.
„Enginn er að ýta mér út,“ er haft eftir Biden
Karine Jean-Pierre hafnaði þessum fregnum alfarið og sagði að Biden hefði ekki í fyrirhyggju að draga framboð sitt til baka.
Biden átti símafund með kosningateymi sínu í dag og samkvæmt heimildarmönnum Politico þá sagðist Biden hafa tjáð fólkinu að hann væri hvergi á förum.
„Ég skal segja þetta eins skýrt og ég get – á eins einfaldan og beinskeyttan hátt og ég get - ég er í framboði. Enginn er að ýta mér út. Ég er ekki að fara. Ég er í þessari kosningabaráttu til enda og við ætlum að vinna,“ er haft eftir Biden úr símtalinu, samkvæmt heimildarmönnum Politico.
Tengdar fréttir
Joe Biden Bandaríkjaforseti
Kröfugerðin skýr en upphæðin ekki
Biden ávarpar Bandaríkjamenn eftir sigur Trumps
Vilja flytja út fisk gegnum Ísland
Vetrarblæðinga vart í Öxnadal
Tekur ekki undir orð Ragnars Þórs og Ásthildar Lóu
Selenskí: N-Kórea heyir stríð í Evrópu
Ríkisstjórn Scholz sprungin
Lögmæti og heilindi dregin í efa