The Sun tekur afstöðu í kosningunum
Setja bókamerki
Breski fjölmiðillinn The Sun hefur lýst yfir stuðningi við Verkamannaflokkinn fyrir þingkosningarnar sem fara fram í Bretlandi á morgun.
Kallað verður eftir breytingum á forsíðu fréttablaðs The Sun á morgun en í umfjöllun fjölmiðilsins frá því í dag segir að tími Verkamannaflokksins sé kominn.
Þá er Íhaldsflokkurinn, sem skipar nú meirihluta þingsæta breska þingsins, kallaður úreltur og klofningur innan flokksins gagnrýndur.
Áhrifaríkur fjölmiðill
Stuðningur fjölmiðilsins er þýðingarmikill, en hann hefur í gegnum tíðina haft mikil áhrif á framgang kosninga. Lýsti The Sun síðast yfir stuðningi með Verkamannaflokknum árið 1997, þegar Tony Blair varð forsætisráðherra.
The Sun er hluti af alþjóðlega fjölmiðlafyrirtækinu News Corporation, sem á meðal annars Fox News, Wall Street Journal og The Times.
Stórsigur í kosningunum líklegur
Greint var frá því í gær að allt bendi til þess að Verkamannaflokkurinn vinni stórsigur í kosningunum á morgun. Kom fram að kosningasigurinn verði mögulega sá stærsti í sögu breskra þingkosninga.
Samkvæmt könnunum var þá Verkamannaflokknum spáð 42% allra atkvæða en Íhaldsflokknum aðeins 23%. Þar sem um einmenningskjördæmi er að ræða myndi Verkamannaflokkurinn að öllum líkindum fá hlutfallslega mun fleiri sæti, eða hreinan meirihluta. Gangi sú spá eftir verður þetta versta frammistaða í sögu Íhaldsflokksins í þingkosningum.
Fjögurra manna fjölskylda slapp úr brennandi íbúð
Vill skattleggja greinina og veita henni svo styrki
Sjö ára dómur yfir Theodóri staðfestur
Græddi á láninu
„Algjört hörmungarástand“
Ætliði að gefa út bók eftir þessa Moggastelpu?
Menn með tengsl við Islamic Jihad á Íslandi
