Bandaríski flugvélaframleiðandinn Boeing hefur játað svik í máli er varðar tvö flugslys þar sem 346 manns létust. Flugvélaframleiðandinn náði samkomulagi við bandaríska dómsmálaráðuneytið og fara því ekki fram réttarhöld í málinu.

Saksóknarar í Bandaríkjunum komust að þeirri niðurstöðu að Boeing hafi ekki fylgt fyrri sátt þeirra um slysin. Þeir segja Boeing hafa beitt blekkingum á meðan vottun á þotum þeirra stóð yfir.

346 manns létu lífið í tveimur flugslysum í Eþíópíu og Indónesíu árin 2018 og 2019. Flugvélarnar voru báðar af gerðinni 737 MAX og hröpuðu þær til jarðar, en galli í vél­un­um varð til þess að þær hröpuðu. Í kjölfar slysanna voru vélarnar kyrr­sett­ar og varði kyrrsetningin í um 20 mánuði.

Frétt af mbl.is

346 fórust í tveimur slysum

Boeing verður sektað, en bætur fyrir fjölskyldur þeirra sem létust í slysunum verða ákvarðaðar af dómstólum.

Tengdar fréttir

Boeing

Höfnuðu samningnum og samþykktu verkfall

• Boeing frestar flugprófunum á 777X-breiðþotu
• Samþykktu umdeildan launapakka
• Rannsaka hvort starfsmenn hafi falsað gögn
• Þurftu að nauðhemla til að stöðva flugtak

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Viska Bíla-Lása: Hvað er að, þegar ekkert er að, en …