Flokkur Le Pen hafnaði í þriðja sæti
Setja bókamerki
Þjóðfylkingarflokkur Marine Le Pen hafnaði í þriðja sæti í annarri umferð frönsku þingkosninganna sem fóru fram í gær. Flokkurinn bar sigur úr býtum í fyrri umferð.
Þingkosningarnar í Frakklandi fara fram með sérstöku sniði. Ef enginn einn frambjóðandi fær meirihluta í sínu kjördæmi fara þeir frambjóðendur sem hljóta nægt fylgi áfram í næstu lotu þar sem kosið er á nýjan leik. Fyrsta kosningin fór fram 30. júní og sú síðari nú í gær.
577 þingsæti
Bandalag vinstriflokka, undir merkjum Nýju lýðfylkingarinnar (f. Nouveau Front populaire), hlaut flest þingsæti í síðari umferð þingkosninganna, eða 187 sæti. Næst flest sæti hlaut miðjubandalag Emmanuels Macrons Frakklandsforseta, með 159 sæti. Þjóðfylkingin fékk 142 sæti.
Alls eru 577 sæti á franska þinginu. 289 sæti þarf til að fá hreinan meirihluta. Ljóst er að enginn flokkur náði honum.
Forætisráðherra Frakka, Gabriel Attal, mun segja starfi sínu lausu í dag. Hann ætlar þó að halda áfram að gegna embættinu á meðan þörf krefur.
Líkin rak fram eftir öllu vori
Skúta strand innarlega í Eyjafirði
Fornt íslenskt handrit fannst í Kanada
Kaupfélag Skagfirðinga kaupir Kjarnafæði Norðlenska hf.
Búið að losa skútuna
Nýju stofnanirnar verða á landsbyggðinni
Birta greinar þýddar af gervigreind
„Ég gæti ekki lifað með sjálfum mér“