Margar vikur eða jafnvel mánuðir gætu liðið áður en nýr forsætisráðherra tekur við stjórnartaumunum og myndar nýja ríkisstjórn í Frakklandi. Seinni umferð þingkosninganna lauk um helgina þar sem Nýja lýðfylkingin, bandalag vinstriflokka, hlaut flest þingsæti.

Björn Malmquist, fréttamaður á Rúv, hefur fylgst náið með kosningunum og ræðir niðurstöður þeirra í Dagmálum í dag.

Jean-Luc Mélenchon er leiðtogi stærsta flokksins innan bandalags vinstriflokkanna. Hann þykir þó umdeildur og ólíklegt er að hann verði næsti forsætisráðherra Frakka. AFP/Sameer Al-Doumy

Engin augljós leið

„Stærsta niðurstaðan er kannski sú, að það er í rauninni stjórnleysi á franska þinginu. Það er enginn meirihluti, í fyrsta lagi, það er enginn sem nálægt því að vera með meirihluta. Og í öðru lagi, það er engin augljós leið til að mynda meirihluta,“ segir Björn. 

Nýja lýðfylkingin tryggði sér 188 sæti á þinginu. Miðjubandalag Emmanuels Macrons Frakklandsforseta hlaut næst mest fylgi í kosningunum og tryggði sér 161 sæti. Þjóðfylking Marine Le Pen, sem vann góðan sigur í fyrri umferð kosninganna, tryggði sér 142 sæti. Alls eru 577 sæti á franska þinginu.

Björn segir langt á milli bandalags vinstriflokkanna og miðjubandalagsins. Það gefi til kynna að erfitt verði fyrir bandalögin að koma sér saman um að mynda meirihluta á þinginu. 

Þáttinn í heild sinni má horfa á með því að smella hér fyrir neðan. 

Mikil óvissa fram undan í Frakklandi

Tengdar fréttir

Dagmál

Er kynjastríð í uppsiglingu?

• Ný ríkisstjórn þurfi að hafa hraðar hendur
• Skilnaðir og heilsubrestur bugaðs fólks
• „Þau höfðu verið að deyja þessir krakkar“
• Skrítið að enn er bara eitt úrræði í boði

» Fleiri tengdar fréttir

Þingkosningar í Frakklandi

Þúsundir mótmæltu nýja forsætisráðherranum

• Verður elsti forsætisráðherra Frakka
• Macron útilokar ríkisstjórn vinstriflokka
• Stjórnarmyndunarviðræður bíða fram yfir Ólympíuleika
• Leggja til næsta forsætisráðherra Frakklands

» Fleiri tengdar fréttir