Lögreglan í Malmö í Svíþjóð rannsakar bílbruna, sem upp kom í gær í Fosie-iðnaðarhverfinu, sem tvöfalt manndráp eftir að í ljós kom að tvö lík voru í bifreiðinni sem þar stóð í ljósum logum á þriðja tímanum í gærdag að sænskum tíma.

Hafði lögregla ekki borið kennsl á líkin þegar sænska ríkisútvarpið SVT fór yfir nýjustu vendingar í málinu í dag en að sögn Kerstin Gossé, upplýsingafulltrúa lögreglunnar í Malmö, verða þau færð réttarmeinafræðingum til rannsóknar í dag.

„Tæknihlið rannsóknarinnar stendur nú yfir og stendur til að taka skýrslur af vitnum í dag,“ segir upplýsingafulltrúinn við SVT.

Bifreiðin sem brann er ónýt að sögn Rickard Lundqvist, annars upplýsingafulltrúa lögreglunnar í Malmö.

SVT
Aftonbladet
Expressen

Tengdar fréttir

Óöld í Svíþjóð

Þekktur rappari skotinn til bana

• Handtekinn í Svíþjóð en sleppt
• Óljós aldur sakbornings olli vafa
• Skotinn til bana á veitingastað
• Margir særðir eftir hnífstungur

» Fleiri tengdar fréttir

• Blogga um frétt