Vill að Rússar verði með á næstu ráðstefnu
Setja bókamerki
Volodimír Selenskí Úkraínuforseti vill að Rússar verði með fulltrúa á annarri ráðstefnu sem er ætlað að tryggja varanlegan frið á milli Úkraínu og Rússlands eftir rúmlega tveggja ára styrjöld.
Tugir leiðtoga heimsins lýstu yfir stuðningi við frið í Úkraínu eftir ráðstefnu í Sviss, sem Selenskí efndi til, þar sem Rússum var ekki boðið.
„Ég tel að fulltrúar Rússa eigi að vera viðstaddir næstu ráðstefnu," sagði Selenskí á blaðamannafundi í Kænugarði, höfuðborg Úkraínu, þar sem hann greindi frá undirbúningi fyrir næstu ráðstefnu.
Hann nefndi að á undan ráðstefnunni verða haldnir fundir um lykilmál, þar á meðal um orkuöryggi, í Katar. Einnig verður fundað í Tyrklandi um fæðuöryggi.
Leiðtogar og háttsettir embættismenn yfir 90 ríkja hittust í Sviss 15. júní á tveggja daga ráðstefnu þar sem rætt var um hvernig væri hægt að binda enda á stríðið í Úkraínu.
Rússnesk stjórnvöld sögðu öll fundarhöld um slíkt án aðkomu Rússa vera „út í hött".
Þurfum að skoða hvers vegna svona brot eru framin
Engin tengsl á milli hlaupsins og hrinunnar
Hafna hugmyndum sviðsstjórans
Veggjalúsin er orðin faraldur
Tæpur hálfur milljarður í ýmsan kostnað þingmanna
Ferðafólki bjargað af þaki bíla
/frimg/1/54/18/1541819.jpg)
Skjálfti nærri Kötlu minnir á stærð Bárðarbungu
„Þarna eru frægar eldstöðvar“