Íþróttakonan Simone Biles mætir á skjáinn

Heimildaþættir um bandarísku fimleikakonuna Simone Biles verða sýndir á streymisveitunni Netflix frá og með morgundeginum, aðeins níu dögum fyrir opnunarathöfn Ólympíuleikanna þar sem Biles mun keppa.

Þættirnir kallast Simone Biles Rising og eru alls fjórir þættir í heild. Í þáttunum verður fylgst með Biles reyna að ná aftur toppsætinu í fimleikum. 

Frétt af mbl.is

Sú sigursælasta ætlar á Ólympíuleikana

Kynferðislega misnotuð af lækni

Biles er ein sigursælasta fimleikakona heims en alls á hún að baki 19 gull­verðlaun á heimsmeistaramótinu og þá hef­ur hún fjór­um sinn­um unnið til gull­verðlauna á Ólymp­íu­leik­um. Íþróttastjarnan hefur þó gengið í gegnum margt á sínum ferli. 

Hún greindi frá því að hún hafi orðið fyrir kynferðislegri misnotkun af Larry Nassar, fyrrverandi lækni bandaríska landsliðsins í fimleikum. Nassar, sem var dæmdur í 175 ára fangelsi, hefur verið sakaður af 160 konum um kynferðislega misnotkun.

Frétt af mbl.is

Simone Biles: Nassar misnotaði mig

Biles var ein af fyrstu konunum sem steig fram og deildi sögu sinni um Nassar. Auk hennar hafa þrír aðrir bandarískir ólympíufarar, þar á meðal gullverðlaunahafinn Gabby Douglas, einnig sakað Nassar um misnotkun sem átti sér stað meðan þær voru í meðhöndlun hjá honum.

Þættirnir fjalla um sögu hennar og gefur fólki innsýn í líf íþróttakonunnar. Farið verður yfir baráttu hennar við andleg veikindi á Ólympíuleikunum í Tókýó árið 2020 sem olli því að hún þurfti að draga sig úr keppni þrátt fyrir að vera sigurstrangleg.

• Blogga um frétt