Enn eykst þrýstingurinn á Biden
Setja bókamerki
Adam Schiff, þingmaður í fulltrúadeild Bandaríkjaþings, hefur skorað á Joe Biden, forseta Bandaríkjanna, til þess að falla frá forsetaframboði sínu.
Schiff er fyrsti kjörni demókratinn til þess að gera slíkt í kjölfar skotárásar á Donald Trump, fyrrverandi forseta Bandaríkjanna, á laugardag.
CNN greinir frá því að Schiff hafi sent frá sér yfirlýsingu þess efnis en í henni komi meðal annars fram að þó að ákvörðunin sé á endanum Bidens sé kominn tími til þess að leyfa einhverjum öðrum að taka við. Enda sé þjóðin á miklum krossgötum.
Mun grafa undan grunni lýðræðisins
„Annað kjörtímabil hjá Trump mun grafa undan þeim grunni sem lýðræði okkar er byggt á og ég hef alvarlegar áhyggjur af því hvort að forsetinn geti sigrað Donald Trump í nóvember,“ er haft eftir Schiff.
Biden hefur átt á brattann að sækja eftir kappræðurnar sem hann átti við Trump og leiðtogafund Atlantshafsbandalagsins sem fór fram 9.-11. júlí. Á fundinum kallaði hann Selenskí, forseta Úkraínu, Pútín og sagði Trump þegar hann átti við varaforseta sinn, Kamölu Harris.
Biden hefur þó neitað að játa sig sigraðan hingað til.
Íranir hafna allri aðild að banatilræðinu
Lögreglustjóri gerður afturreka
Höddi Magg snýr aftur í enska boltann
Lífríki Mývatns er að taka við sér
Joe Biden með Covid-19
Palestínskir fánar hengdir upp í óþökk kirkjunnar
Sveitalubbinn með Hvíta húsið í sigtinu