Íranir hafna allri aðild að banatilræðinu
Setja bókamerki
Íranir hafna því sem þeir kalla „illkvittnar“ ásakanir bandarískra fjölmiðla um að hafa komið að banatilræði á Donald Trump, fyrrverandi forseta Bandaríkjanna.
CNN fréttastofan greindi frá því í gær að bandarísk yfirvöld hefðu fengið upplýsingar frá heimildarmanni fyrir nokkrum vikum um meint samsæri Írana gegn forsetanum fyrrverandi og því hefði verið þörf á að efla vernd hans.
Ekkert bendir þó til þess að byssumaðurinn Thomas Matthew Crooks hafi verið tengdur þessum áætlunum.
Ásakanirnar órökstuddar
Þjóðaröryggisráð Bandaríkjanna segist hafa fylgst með hótunum Írana gegn Trump og ríkisstjórn hans í mörg ár eftir að stjórnvöld í Íran hótuðu hefndum fyrir drápið á Qasem Soleimani, írönskum herforingja, í drónaárás Bandaríkjamanna í Írak árið 2020.
Sendinefnd Írans hjá Sameinuðu þjóðunum segir að ásakanirnar séu „órökstuddar og illkvittnar“.
Ætla að sækja Trump til saka
Nasser Kanani, talsmaður utanríkisráðuneytis Írans, segir að Íranir „hafni eindregið allri aðild að nýlegri vopnaðri árás gegn Trump“.
Hann segir þó að Íranir væru enn „ákveðnir í að sækja Trump til saka fyrir beinan þátt hans í morðinu á Qasem Soleimani hershöfðingja“.
Soleimani var yfirmaður utanríkismála í byltingarvarðasveit Írans og hafði umsjón með hernaðaraðgerðum Írana í Miðausturlöndum.
Trump fyrirskipaði drónaárásina sem varð Soleimani að bana, rétt fyrir utan flugvöllinn í Bagdad.
Gæti tilkynnt varaforsetaefnið á hverri stundu
Lífríki Mývatns er að taka við sér
Donald Trump: „Ég ætti að vera dáinn“
Mikið magn af rauðvínspóstum eftir helgar
Höddi Magg snýr aftur í enska boltann
Sveitalubbinn með Hvíta húsið í sigtinu