Fyrsta ræðan eftir að hafa verið skotinn
Setja bókamerki
Tengdar fréttir
Donald Trump verðandi Bandaríkjaforseti
Donald Trump forsetaframbjóðandi mun í kvöld flytja ræðu opinberlega í fyrsta sinn síðan að hann var skotinn í eyrað á laugardaginn í banatilræði.
Landsfundur repúblikana hefur staðið yfir frá því á mánudag en lýkur í kvöld með ræðu Trumps, þar sem hann mun samþykkja forsetaútnefningu flokksins.
Aðrir þekktir menn munu stíga á stokk og má þar nefna þáttastjórnandann Tucker Carlson, Dana White, forseta UFC, og Mike Pompeo, fyrrverandi utanríkisráðherra Bandaríkjanna.
Ræðan í ruslið eftir snertingu við dauðann
Þema síðasta dagsins á landsfundinum er „Gerum Bandaríkin frábær á ný“ og þar verður lögð áhersla á hvernig Trump „mun koma á nýjum gullaldartíma fyrir Bandaríkin“, að því er kemur fram í tilkynningu frá miðstjórn Repúblikanaflokksins á landsvísu (RNC).
Síðasta laugardag var reynt að ráða Trump af dögum í bænum Butler í Pennsylvaníu. Hann var skotinn í eyrað, einn var myrtur og tveir aðrir særðust alvarlega.
Sjálfur hefur Trump sagt að snertingin við dauðann hafi fengið hann til að endurskoða ákveðna hluti. Hann henti ræðunni í ruslið sem hafði verið gerð fyrir landsfundinn og byrjaði að smíða nýja ræðu sem er ætlað að sameina þjóðina, að hans sögn.
Mun fjalla um stöðu Bandaríkjanna
RNC segir að Trump muni fjalla um stöðu Bandaríkjanna heima og erlendis og þá hvernig hann myndi tryggja fjölskyldum velmegun og öryggi, verði hann kjörinn forseti.
„Bandaríkjamenn munu enn á ný hafa ástæðu til að hafa von og bjartsýni fyrir framtíð landsins,“ segir í yfirlýsingu frá RNC.
Tengdar fréttir
Donald Trump verðandi Bandaríkjaforseti
/frimg/1/53/5/1530526.jpg)
Yfirvöld láta ekkert uppi: Sænsk herskip kölluð út
Óttast að fólk fari aftur að eyða peningum
Spara stórfé með olíukaupum ytra
Heitt vatn fannst sem gæti annað 10 þúsund manns
Búseta skortir byggingarlóðir
Átti ekki að láta pirring bitna á sjúklingi
Beint: Eldgos hafið við Stóra-Skógfell
Hraun fór yfir Grindavíkurveg