Yael Braun-Pivet var óvænt endurkjörin forseti neðri deildar franska þingsins í kvöld en Braun-Pivet er þingmaður miðflokkabandalags Emmanues Macrons, forseta Frakklands.
Pattstaða hefur verið á franska þinginu eftir þingkosningar í byrjun júlí en kjör Braun-Pivet er þó talin geta verið vísbending um að takist að mynda nýjan meirihluta.
Braun-Pivet fékk 220 atkvæði í þriðju umferð forsetakjörs neðri deildarinnar. André Chassaigne, fulltrúi bandalags vinstri flokka fékk 207 atkvæði og Sébastien Chenu, sem var fulltrúi flokka lengst til hægri, fékk 141 atkvæði.